పొదలకూరు పట్టణంలో ఓ రియల్టర్ ఆత్మహత్య చేసుకున్న సంఘటన ఆదివారం తెల్లవారు జామున జరిగింది. అప్పుల బాధ తాళలేక తాను ఉంటున్న ఇంట్లో ఉరేసుకొని ఆత్మహత్య కు పాల్పడ్డట్లు సమాచారం. గమనించిన కుటుంబ సభ్యులు మృతదేహాన్ని నెల్లూరులోని వారి నివాసానికి తరలించినట్లు సమాచారం. రియల్టర్ మృతిని గోప్యంగా ఉంచినట్లు స్థానికులు చర్చించుకొంటున్నారు. అయితే రియల్టర్ ఆత్మహత్య పట్ల పోలీసులకు ఎలాంటి సమాచారం లేదు. కాగా పొదలకూరులోని చాలా మంది రియల్టర్లు వెంచర్లు వేస్తున్నామంటూ పట్టణంలోని మిత్రులు, వ్యాపారుల వద్ద పెద్ద మొత్తంలో అప్పులు చేసి వడ్డీలు కట్టలేక ఆత్మహత్యలకు పాల్పడుతున్నట్లు సమాచారం. దీంతో అప్పులు ఇచ్చిన వారు ఆందోళన చెందుతున్నారు.